Google ADS

Greqi, një 40-vjeçare shqiptare qëllohet në kokë me armë zjarri

00:46 | 21 Shkurt 2018
Trina Galanxhi

Një tentativë vrasje misterioze me armë zjarri është kthyer në kryefjalën e mediave greke gjatë mbrëmjes së sotme. Në këtë ngjarje ka mbetur e plagosur rëndë një 40-vjeçare shqiptare.

Ajo është qëlluar me armë zjarri jashtë banesës së saj në rrugën Aghia Paraskevi në Athinë.

Mediat greke raportojnë se dy persona qëlluan me armë zjarri në drejtim të banesës së shqiptares, e cila mori plumba në qafë e kokë.

Identiteti i shqiptares së plagosur nuk bëhet ende i ditur, por mediat raportojnë se ajo është dërguar në spitalin Tzanei, pasi kishte shenja jete.

Ndërkohë Zougla.gr, raporton se nga hetimet paraprake janë zbuluar gjurmë në banesën ku jetonte shqiptarja së  bashku me bashkëshortin, i cili dyshohet se është aktor.

Policia ka shpallur në kërkim bashkëshortin e 40-vjeçares dhe disa familjarë si të dyshuar në këtë ngjarje. Zougla.gr nënvizon se dy personat që qëlluan mbi shqiptaren erdhën me një makinë./gsh/

Shpërndaje në rrjete sociale

Lajmet më të lexuara

Të ngjashme

Foto lajm